Florac es la pichòta capitala des Cevènas, construïa dins la valada dal Tarn e banhaa, en mai que d’aquesta ribièra, da dui siei afluents, lo Tarnon e la Mimente. Dins lo centre dal país se tròba la magnífica sorsa dal Pecher, que rechampa las aigas soterranas dal Causse Méjean. Lo centre istòric còmpta dui importants monuments: lo chastèl, sèti dal parc nacional, e lo convent embe un bèl portal renaissimental. Lo país a d’originas anticas, probablamet romanas, mas se desvolopet a partir dal Bas Atge Mesan. Aderiet a la reforma, tant que raseron al sòl la gleisa catòlica per lhi bastir un temple, e foguet lo teatre des guèrras de religion. Son economia era basaa sus la produccion de la sea e sus las dralhas de la transumança que l’atraversavon.