Crestet es un vilatge ben antic, fondat a l’entorn dal VII o VIII sècle dai sarrasins. Lo chastèl bastit al som dal crinal es d’època mai tardiva (sècle XII) e es estat en usatge fins a la revolucion francesa, quora foguet demolit. Rebastit en part, encuei es proprietat privaa, coma esquasi totas las maisons dal vilatge, achataas a partir da lhi ans ’30 da de rics citadins que an trasformat de modèstas e pauras abitacions païsanas a l’abandon e de residenças de valor enrichias de jardins penjats. Lo país garda la jòlia gleisa de Sait-Saveur (sècle XI) e òspita la fondacion Stahly dins la maison de l’escultor francés François Stahly (1911-2006).