Lo vilatge, pausat sus un autura, es dominat dal chastèl di conts de Roure (XIV-XV sècle), ugonòts, puei convertits al catolicisme après la révoca de l’edit de Nantes (1685). Lo chastèl foguet puei pres dai camisards durant las guèrras de religion dal 1703. Embe la Revolucion Francesa, enfin, passet a la familha Pradier. Es encara abitat, mas dubèrt a las vísitas. Se monta en percorrent d’estrechas vias entre de bèlas maisons de peira. Dedins la cort se tròba decò un òste de costuma dubèrt. Dins lo chastèl es alestit un musèu dedicat a la sericultura e a la produccion de sea, embe un enlevatge permanent de bigats. En mai d’aquò se pòl visitar una retrospectiva sus la repression de la reforma protestanta en Lengadòc.